Opningshelga i Jølster Skisenter!

Det er dei siste vekene lagt ned eit formidabelt arbeid og utallige arbeidstimar med snøproduksjon, dosing av snø og preparering av løyper i skisenteret. Vi kan med glede ynskje velkomne til små og store fredag 10. desember kl. 18.00!

Det vil vere ope i Kvamsbakken, Hauglandsbakken og i Familiebakken. Det er viktig å merke seg at i Familiebakken er det preparert eit begrensa område slik at det ikkje vil vere preparert i full breidde. Vi vil ikkje oppmode om køyring utanfor preparerte løyper då vinden har blese bort mykje snø i høgda. I Kvamsbakken og Hauglandsheisen er det rikelig med snø og gode skitilhøve!

Heiskort kan du bestille på nett HER eller i billettluka nede før bommen! Om du har gløymt å kjøpe heiskort før du er komen i bakken, kan du henvende deg i kiosken og kjøpe eit tomt keycard og fylle på dette på nett. Hauglandsheisen vert gratis for alle også i år, og alle 4.klassingar får gratis sesongkort hos oss! Du må likevel bestille kort online der du registrerer 4.klassingen og hentar kortet i billettluka saman med barnet. Sjå HER!

Coronavettreglane gjeld for oss som for resten av samfunnet. Bruk munnbind der det ikkje er mogeleg å halde meteren. Vask/desinfiser hender og hald deg heime om du ikkje er i form. Vi vil tilrettelegge for at du skal halde meteren til andre enn din kohort i cafèen, vi ber om forståing for at det blir begrensa kapasitet i skiutleige og cafê.

Vi gler oss umåtelig og ynskjer hjartens velkomne til alle!