Gratis skidag for Sunnfjordskulane

Takk til alle Sunnfjord-skulane som har besøk oss gjennom denne veka. Vi har hatt besøk av fleire hundre flotte barn og unge som har hatt skidag i Jølster Skisenter.

Jølster Skisenter har dei siste åra tilbudt gratis skidag til alle skule-elevane i Sunnfjord Kommune. I år fekk og dei som ikkje hadde ski, tilbod om å låne gratis utstyr.

Skiglede, meistring og samhald er det som gjer det så kjekt å vere i skibakken! Dette bør alle barn og unge få moglegheiter til å prøve tykkjer vi.

Derfor har vi også gratisheis (Hauglandsheisen) gjennom heile året der alle som vil kan komme og øve seg. Vi tilbyr også gratis sesongkort til alle 4. klassingar og til barn under skulealder.

På denne måten håpar vi at fleire får opp auga for kor kjekt det er å stå på ski, og håpar mange vil komme att ved seinare høve.

Vi ynskjer dykk velkommen tilbake i bakken!

Foto: Ståle Fossheim