Hausten er komen og det er på tide å gjere klart for vinteren i Jølster Skisenter.
Kommande laurdag frå kl. 10.00 og utover vert det dugnad i Gamlebakken.
Det skal ryddast skog og kratt både langs heisen og i traseen. Hvis du har motorsag eller ryddesag, kan du gjene ta det med.
Har du ikkje slik redskap er du velkommen likevel. Viktigaste redskapen er arbeidslyst og godt humør.
Drivstoff og olje held Jølster Skisenter…….kaffi og litt å bite i vert det nok også.

Påskeafta gjekk årets kulaste skievent av stabelen i Jølster Skisenter. Sogn og Fjordane Auto Water Splash Challenge er eit stemne som markerer overgangen mellom vinter og sommar og vi kombinerer her ski på snø og i vatn. Vel 25 tøffingar deltok i konkurransen og langt i frå alle kom seg tørre heim att. Eit stort publikum vart møtt fram og dei storkosa seg i spruten frå ivrige deltakarar.
 Bassenget som skulle kryssast var vel15 meter langt og 50 cm djupt, og det vart konkurret i ulike stilartar.

Jølster Skisenter er no registrert i frivillighetsregisteret og er dermed godkjent som mottakar av GRASROTMIDLAR. Dette funkar slik at 5 % av alt du tippar for gjennom Norsk Tipping vil kome Jølster Skisenter til del dersom du vel å støtte dei. I 2009 er det faktsik slik at dersom du vel Jølster Skisenter som di første... mottakar av GRASROTMIDLAR så vil 5 % av alt du har tippa for i 2009 lande i Jølster Skisenter. Dette er i såfall pengar som vil kome svært godt med i vidare positiv utvikling av Jølster Skisenter.
Så fyk av stad og tipp og vel gjerne Jølster Skisenter som mottakar av din GRASROTANDEL.

Sist vinter vart det produsert ein illustrasjonsfilm om Kvamsfjellet ned. Her får du vere med på skuter opp på Kvamsfjellet på 1030 moh der du får nokre flotte glimt av utsikta derifrå. Så tek du skia fatt og tek turen i utforstilling ned  Super-G traseen heilt til botn på anlegget. Fotograf er Øyvind Gjesdal.
Filmen finn du på lenkja nedanfor.